plaas oggend

vroeë oggend waar sagte mis
in geel strepe sonstraal blus
vars beesmis tussen jou tone
bitter koue rypkristalle smelt

wanneer koei stert nat swiep
oor jou bibberend koue lippe
en lastige vlieë laat weg vlug
terwyl warm strome melk sis

vinger skepsel van warm skuim
op koei se koue speen haar tem
jou kop teen haar warm lies rus
terwyl knieë wil knak van hurk

fisante stadig ontwakend kekkel
bosbok ram op ruggie hard blaf
leier koei se klepel helder klink
terwyl sy eerste veldwaarts wei

beker skuim by roomafskeier
betaal vir die oggend se arbeid
beelde vir altyd in son geprent

©Teárlach