Pleisters
Pleisters
Ek het kop tot tone
orals pleisters van seerkry
want my hart is flenters oor al die oop
grafte waar ek geliefdes moes teruggee
aan moederaarde want die een boom
na die ander is die afgelope jare uit my
hartswoud gekap en geplunder die oop
gate en wonde gelyk gemaak en bepleister
maar genesing wil net nie kom nie—
Jeugliefdes se pleistertjies was gou afgehaal ook
stampe en stote kon ek weerstaan en hanteer, selfs
onreg kon my nie onderkry die plegers lankal dood
en die pleisters oor gekweste eer en trots verwyder,
maar die seer oor afgestorwe geliefdes genees nie,
die pleisters is steeds daar—
Janetta – Helena [Babs] ©
2 Kommentare
-
Koekekranka
So oneindig seer... Maar ek ervaar ook die bome wat so rondom en soms sommer baie naby val en besef dat hoe ouer mens word, hoe vinniger gaan die tempo van val. 'n Onomkeerbare natuurlike gevolg, maar tog so eina! Baie dankie vir jou deel!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Dis hartseer maar so kosbaar gepen