Roep van die Tarentaal

blou koepel die hemelruim

stil hang die doppruim se blare

in ‘n windstil oggendson

silhouet ‘n skaduwee grondwaarts

agter salueer die Dwarsberge

kranse weerkaats silwer strepe

deur ‘n golwende groen

Mampoervallei in stille ritme

‘n trop tarentale gee lewe

in die eerste sonnestraal

wat skaam loer

waar hulle speel in ‘n stofwolk

hul geroep eggo deur die hol kranse

want hulle dink hulle is vry …