Verwronge liefde

Sy vuiste vreet soos wolwe
wat dink hulle is vry
vry soos dweepsiek golwe
aangehits deur springgety.

Soos beendiep kneuse agterbly
as twis strydlustig eskaleer
en rou repe deur ‘n wese skeur
wat geen aanslag durf bestry

oorskadu deur die die duisternis
taan ‘n beangste siel versweë
innig gekrenk en dom verskree;
selde meer van menswees bewus

as hond se gewete eers spytspraak braak
word die saak doodblou vergete gelaat.

Neologismes:

Spytspraak
Doodblou – morsdood

©Loretta Szikra

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag