sigkuns

golwe jaag resies tot op strande
onderdeur, bo-oor duik dolfyne
daar woon mense van alle lande
van slordigste tot mees ragfyne

meeue duik waaghalsig teen wind
skiet hoog op en lafeer ewe koud
skrop elk en ander fisant se kind
vir hom ‘n nes onder fynboswoud

so traag die dae en weke dan om
waar hy op sy duin ‘n wêreld sien
gebroke, maak ook geheel alom
drome droom, genade onverdien

©Teárlach