Skimme van gister

gister was my paaie ander rigtings in
vandag wil ek loop tot by die weer begin
waar die son skroei oor vergete treinspore
en genadeloos neerbrand op my wankel spore

hier op my verdwaalde weg
waar ek in die hitte van die son moet veg
teen troebel trane wat afrol teen my wange
en dit oor jou, die hunkering na verlange

as my oë soekend na gister se spore staar
sal ek dalk my stukkende skerwes gewaar
hier lê nog nagte van bitter hel
iewers tussen sandduine het ek my storie vertel

alleen en afgeleë tussen ’n verlate stasie
lê die skimme van gister tussen leë spasies
geen skadu,geen rus, waar sonbesies lag
dwalend tussen vrees,wag ek vir die nag

en wanneer nagwinde huil oor eind’lose sand
val my trane saggies in my hand
al lê my geraamte iewers kaalgestoop
sal ek nie treur soos iemand met geen hoop

(c) Emsa Haasbroek

Foto pinterest

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag