Soos goeie wyn

ma, jy het ons kleintyd geleer
om soos jy goeie wyn te wees
nooit ons herkoms te ontken nie
ons sterk tradisie te bly eer

te weet ons is uit goeie stok voortgebring
onopgesmuk, pretensieloos
met karakter en integriteit
goed gebalanseerd te wees

vrug-hout-kombinasie goed geïntegreer
hout nie te hard en vrug nie te sag
tog ook die een wat vriendskap en vreugde gee
sterk bande van liefde smee

te veredel soos die jare aanstap
maar belangriker nog
goeie vrug te dra
en geënt te bly in die Ware Wynstok