Suurreën

jou giftige woorde
reën seer oor my neer
en besoedel my denke
ek verstik in jou manipulasie
as jy my ignoreer
“rain in the cup of my life
drops of rain in the cup of my life”

valse drukkies, organies aangeplak
soos uitlaatgasse verbrand dit my siel
lei jou jaloerse besitlikheid
tot woedeuitbarstings
haaikaal huil my hart
“rain in the cup of my life
drops of rain in the cup of my life”

jou vriendskap is soos suurreën
wat my wese deurdrenk
pruil jy dikbek om jou sin te kry
dis ‘n bose kringloop
wat my vreugde versmoor, my vrede vermoor
“rain in the cup of my life
drops of rain in the cup of my life”

maar God is getrou
Hy bedrup my gemoed
met Sy genadereën
en was die besoedeling uit my gees
my beker loop stromend oor
“rain in the cup of my life
drops of rain in the cup of my life”

©Jessica Venter
12/9/2019
• Haaikaal – beteken eensaam, verlate