ter helle neergedaal

 

 

ritmiese dreunsang

in ouderwetse kerkgebou

ek glo in God die Vader

die almagtige…

totdat Jesus gekruisig, gestorwe

en begrawe was – en ter helle neergedaal het

ja en toe die opstanding!

maar wat het Hy, die Koning van alle konings

in die hel gaan doen?

Hy het soos met Lazarus se verhaal

die twee kante van die hellekloof gesien

aan die een kant die verlorenis:

aan wie hy vertel het van Sy Koningskap

Sy grootste oorwinning, maar hul ewige straf!

aan die ander kant van die kloof die regverdiges

wat gesterwe het voordat Hy gekom het:

aan hulle het Hy die goeie nuus gebring

dat hulle saam met Hom na Sy Vader

se woning sal gaan!

toe Sy opwekking

die Rots van ons geloof

Emmanuel: God is altyd met ons!

Hy sorg vir almal en alles

Hy is steeds in beheer

van Sy skepping

 

© Tearlach.