Triolette ekokritiek

Ekokritiek

Ekokritiek in digtertaal
pleidooi vir natuurbewaring-
woordskildery wys mensdom faal;
Ekokritiek in digtertaal-
lewenslesse daaruit te haal
ingryping vir aarde te bring
ekokritiek in digtertaal,
pleitdooi vir natuurbewaring.

Een moederaarde

Daar is net een moederaarde
waarop die mens kan leef en bly
een enk’le planeet van waarde –
daar is net een moederaarde
tog kruis mens met natuur swaarde
laat more uit sy hand uit gly –
Daar is net een moederaarde
waarop die mens kan leef en bly.

Rentmeesterskap

Laat die woorde nou dade word
die mens rentmeesterskap aanvaar
besluite met wysheid omgord
laat woorde nou dade word
in bewaring sy kragte stort
verantwoordelikheid in oog staar
Laat die woorde nou dade word
die mens rentmeesterskap aanvaar.

©️ Elna Kruger

Ns. Dit kan afsonderlik of as een gedig gelees word.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag