Vaderhoort ‘n moederloos

Vaderhoort ‘n Moederloos

Elke groustaar
elke noodkreet wat uit my mondjie vaar
al my lewenswater verspil
oorgespoel in ‘n wêreld wat heeltyd op my gil
vir my gril
my bly verkleineer
reeds soveel kleiner gemaak deur al die seer

ek was gevorm
genadeloos bestorm
gegespe aan die norm
afgewring tot hael in die storm
getref met my eie kompaslose reisverhaal
wat rein moes wees
was vuil en vaal
verwees

trane damp op refleksie glas
die wêreld sien net deursigtige glas
deur al my aspoestertjie lae
net geken van murmureer en kla
ek het gaan soek na ‘n skoen wat dalk sou pas
‘n huis waar iemand my stukkend weer sou kon las

waar sal my hulp vandaan kom
solank sisteme boggelrug krom
met ‘n defek my veragting bly besing

soos ‘n nuwe vars loot
maak HY die minsaamste juis GROOT
daar sal weer blare
talryke blomme
nuwe vrugte
eendag uit my bot

want

elke moederlose kind
word altyd deur hul Hemelse Vader gevind

©️Wendy Leigh

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag