VELDBRANDE IN DIE NAG
Die nag word rooi geverf met vlamme
wat soos sleehonde voor die wind uitdraf
en stram figure wat soos skimme
in die hoofligte van ‘n bakkie in die rookmis dans
Die voorbrande
bekruip die Suidewind se vuur rolbosse
met agterdog wanneer die vlamme
as asems oor hul aantog strooi
Stil figure staan om bakkies rond
en iewers blaf ‘n hond vir werkers
wat grootoog na die onding kyk.
Brandweer ligte flikker en breek
die geknetter van die vlamme dans
en versmoor in die as dooprok
wat klankloos neerreën in die nag
By ‘n bakkie staan ‘n man en bid
wit strepe op die as-masker van sy gesig
sy veld verbrand
sy veë verlore tussen die vlamme dans
en ‘n vrou en twee klein kinders
wat saam met buurvrou by sy afgebrande plaashuis wag…
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
3 Kommentare
-
-
Louie
Danki Neels en Viooltjie vir die kommentaar
-
-
Viooltjie
Ja, vuur verwoes. Ek dink nie mens besef hoe erg so iets kan wees voordat dit nie met jouself gebeur het nie.
Maak 'n opvolg-bydrae
Jy moet aangemeld wees om 'n kommentaar te plaas.
neels
Mense besef nie altyd die skade wat veldbrande kan aanrig nie. Pragtig geskryf