Vergeet het gekom
Kan ek jou vra om jou woorde te leen?
Vergeet het gekom en het oorgeneem,
my gelaat sonder woorde en so alleen,
ek wil so graag vergeet sy mag ontneem.
Wanneer die voëls in die hemele sing
wil ek my gevoelens aan jou vertoon,
maar vergeet bly my woorde verdring,
ek weet ek is besig om jou te verloën.
Leen my asseblief jou liefdes woorde
sodat ek weer liedere vir jou kan sing,
die gedagtes van die verlore verlede
weer maak lewe en vergeet verdring.
Mag ek dit leen om te sê ek is jammer?
Vergeet het my van jou liefde ontneem,
nou staan ek bewend, alleen en bitter,
want ek het myself van jou vervreem.
15/09/2016 © C. du Plessis
Amaspoke
Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.
5 Kommentare
-
Viooltjie
Met die verloop van baie tyd, vergeet mens soms party dinge (dink nie meer so baie daaraan nie). Dit opsigself is ook 'n soort verlies. Goed verwoord. Ek hou hiervan
-
Palet
Ja die spyt en verwyt ... het mens maar net vooraf geweet. Goed geskryf
-
Kiekies
Uit-flippieng-stekend!!
-
Amaspoke
Dankie vir die kommentaar, dit het my dag gemaak. Ek het al begin dink dat ek vergeet het hoe om te skryf. Groete
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragtig geskryf Casper