Jongste aktiwiteit:

Vergifnis vry

Die geheim lê
nie diep of onbereikbaar nie
dit is binne bereik
as jy dit wil hê

as jy die kans vat
op jouself
om vry te val van gister
se foute
want ons is net mens
sondaars

maar ons is selfsugtig
om selfs dit
vas te hou
wat ons terug hou

dis dan myne
en joune
die deel daarvan
kan ons dan net
beraam in skuld

en ons sleep dit saam
al kan ons dit nie
meer dra nie
al is ons afgemat
al slaap ons nie meer nie

dra wil ons dit dra
want wat is ons
as ons leeg is
wat bly dan oor

hoe gaan ons dan
daardie donker leemtes
smoor

die keuses lê oop
en wie wil hulself
nou regtig ontbloot

die skaamte
die bekommernis
die vuil
die verlede

maar hier is jou kans

die geheim is
gee jouself oor aan God
al jou dinge waaraan
jy so vashou
in selfsug
in vrees om te deel

want wat sal die ander
nou sê
as hul moet weet
as hul moet deel
in my bagasie

gee jouself oor
tap jouself leeg
word meer in die leemtes
vul jouself met vergifnis
gun jouself om
te laat gaan

gun jouself die kans
om gevul te raak
met God se beloftes
wat Hy so lieftalig vir jou vashou

gun Hom die kans
om jou te wys
wat lê verberg daar diep binne
jou dieptes

gun die Here ñ plek
in ruil vir daardie vrot bagasie
en jy sal die sade
wat Hy plant in jou gees
sien groei

en jy sal vry wees
om te groei
in die tuin van God
kom nou
dit begin by jou….

Chantelle Holder
© 2015




Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….

Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed