verstrengelde harte (SILWER)

verstrengelde harte

moederlike instink ontvou op dooie doek

met mamma in nargewaad; beskermde wese

gesig geverf, koesterend beskut en bewaar

sy ʼn jong gees wat spreek van leergierigheid

in kindjie klein met gees van jeugdigheid

brand nuuskierigheid se vlam – lig en helder

met ʼn honger na kennis en  ʼn hart wat glo

floreer in veilig gemeenskap met die moederhart

met die bal as simbool van vreugde en emosie

ʼn kinderlik’ beeld van speelsheid en vreugde

wat in warm kleure van rooi-en-wit ontstaan

lewendig haar stille toewyding in suiwer liefde

gesiggie geverf as kleine nar, getuig van geluk

boek in kleuter se pofhandjies dui op wysheid

as simbool van leer, die kern van ons nageslagte

in elke bladsy vind jy steeds stille toewyding

ʼn teddie sit stil en sterk – gekoesterde vriend

met vertroostende band van liefde en warmte

ʼn brug tussen wêrelde – so wyd van mekaar

moederlike instink sal altyd verstrengel staan

©MarleneErasmus

* “Mother and Child” deur Zeke de Villiers

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag