VIR SOMMER NET
Vir sommer net is gister en vandag
‘n refleksie op ‘n leë skinkbord
leeg en hol terwyl hy glimlag
die son met sy goud-geel voortand stopsels
en my lewe maar vir sommer net
Oomblikke vergete in die skete van herinneringe
dwaal soos lammertjies deur my gedagtes
wat malkoppie draaie dans in die vars lusern kortgras
waar hulle wegkruipertjie speel
en ‘n ma-ooi geduldig lê en wag
…dan glimlag my vrou en neem my hand
kom loop en loer hier saam met my
sê sy
daar is ‘n skuiling in my hart vir die pyn in jou
kom loop net saam tot by die klipkraal
en wil ek vra
sê sy
vir sommer net
Louie
Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke
Maak 'n opvolg-bydrae
Jy moet aangemeld wees om 'n kommentaar te plaas.