Jongste aktiwiteit:

Visioenêre held

‘n Pionier met vas geankerde wysheid,

stap hy ‘n toekoms pad vol begrip

saam ‘n ongeskrewe manuskrip

en veg vir geregtigheid en vryheid.

 

Die verskroeide aarde ‘n duiwelse aanslag,

konsentrasiekampe en die kinders se dood

vertoon ‘n volk se lyding van nood

en die verowering van ‘n vierkleur vlag.

 

Vir die Britse Ryk was hy ‘n betowering,

holisme en evolusie se vrye denker,

‘n verbete vegter en vurige vredemaker

vir sy land en volk se oorlewing.

 

Die skote eggo deur die hart van ‘n rebel,

in die volk se boesem ontvlam ‘n bitter haat

wat letsels van verraad agterlaat

om aan die nageslagte oor te vertel.

 

Jou visie het oor die grense van vrees gesien,

jy wou die vernietiging van die verlede vermy

en om die nasies van dominansie te bevry

vir ‘n blink toekoms wat alle kulture verdien.

 

Jan  Smuts, jy het vir die volk ‘n respekvolle rol

op die wêreld toneel stewig gefondeer

maar die haat het verdeeldheid gegenereer

en landgenote verander in ‘n blinde mol.

 

© Elize Awona Pucillo




2 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed