DIEFDIGTER

DIEFDIGTER

Ek skryf omdat ek weet dit is waar
dat jou tong in my ink verdrink het
dat my verse om jou katedraal
dat my asem hunker na jou honger
ek skryf omdat ek weet dit is waar
dat jou stem ons soms kom haal
hier in my Valkenburg
waar ons weet dit is waar
dat as ek oor jou skryf
jy nooit ooit sal sterf nie
want digters steel
van mense soos jy
jou stories
jou oë
jou stiltes
jou lewe
jou siel
ek skryf omdat ek weet ek is ‘n dief
want ek weet
jy weet
wat ek voel
is hier en nou
en alles om ons
is hoopeloos te waar.

© 6/2022 Caren Kearley
FB: Nimfoleptiese Woorde