Voel
As jou pen nie meer wil skryf nie,
want jou woorde verdrink in trane.
As jou hart bestaan uit ‘n groot staal kis –
vol niks.
Wanneer jou oë ver kyk en bly fokus
op die Wat As en die Miskien.
Sleepvoet,
met ‘n gemoed wat swaar en donker is.
Val dan.
Val hard.
Maar val op jou knieë en bid.
Bid vir jouself ‘n leer om uit die gat te klim.
Glo jouself tot by die helder son
en laat toe dat haar strale jou troos.
Kyk na die lig
en voel.
2 Kommentare
-
Christa D
Besonders. Pragtig en positief.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae vir NOVEMBER & DESEMBER 2025 – OOP projek