Wedloop na verlange
Hoeveel treë word gemeet
in jou wedlope teen tyd
voor jy onomwonde weet –
uurglas se kegelsand
word nimmer gestuit
Hoeveel heuwels en rante
van klim, klouter en kleef
om jou doelpiek te bereik –
loer tog na die datums
jou spertyd het verstryk
Hoeveel grawe in ‘n hawe
waar spookskip anker lê
skril- skreeu van seemeeu
soutsproei mis deurklief –
geen sterfling sal kan sê
Hoeveel vrede van die hede
verstrengel in gister se distels
nou slaap goudkwas van more –
in verlange se hoolgange
vir altyd en ewig verlore
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
4 Kommentare
-
-
Evelyn van der Merwe
Dankie, waardeer jou altyd.
-
-
Viooltjie
Goed gedoen Evelyn. Soms moet 'n mens daaraan herinner word dat die tyd vir ons uitloop
-
Evelyn van der Merwe
Dankie vir jou inloer.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
diepseer woorde maar so mooi geskets