Wiskundige gebed
Deernis minus gevoel is gelyk aan bedrog
deernis plus gevoel is gelyk aan wat mog
maar deernis gedeel deur die Golgota-kruis
is die maalsom wat maak dat die Gees deur ons bruis
Ag was ek ‘n hommel of dalk koninggin
kwadraat ek t’rug waar soet heuning begin
want Simson se wortel van krag glo vir my
het hy dubbelhandig van sy God af gekry
Mag nooit ons deernis deur die Gees aangespoor
die skadu van Jesus se saamloop verloor
mag ons swakheid gemaal met liefde van Hom
tot Sy glorie deernis vir ons naaste oop blom
4 Kommentare
-
-
Koekekranka
Baie dankie Anze!
-
-
Amaspoke
Pragtig!!!!
-
Koekekranka
Dankbaar man!
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Hierdie is nou briljant!! Baie mooi gedig KK