Witboek [Verborge]
Werwelstorm op die uitgestrekte horison
het gewaai en verwoesting gebring
Die gange van verlange is gelaat in pyn
stof dampe gelaat – vernietigde tuin
Sê vir my – dat ek altyd in jou gedagte sal bly
al gaan dit soms swaar, niks kan dit verander
oral waar ek gaan sien ek jou spook – jou Naam
in my Witboek in witskrif geskryf.
Liefde digitaal gebore en al wat voort-leef is jou spore
van korte duur ons vreugdevolle oomblikke,
is nou deel van my skatkis – meer waardig
met jou foto’s uit gelê
Sonder twyfel, tussen beide pyn en smart
is daar n plekkie waar ek my veilig vind
warrel wind en reen kan my nie skeel
hier in die binne kamer van my hart
Lê die liefde agter slot en grendel – My Sipier
in die Witboek van my hart
staan jou naam in witskrif,
verborge. Net ek kan jou vind…
©Marieta Calitz[LadySoul]
4 Kommentare
-
LadySoul
Dankie Anze maar ek wil jou n guns vra. Hoe maak jy die kappies en deeltekens op die laptop? As iemand my net kan help met dit asb.
-
neels
vir n kappie druk jy shift, hou in, en tik 136 en vir n deelteken shift en 137. ek is absoluut verslaaf an jou pragtige gedigte
-
LadySoul
Jy laat my bloos. Baie dankie Neels. Nou kan ek ook kappies dra hehehe
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Liefde vir Afrikaans projek