Welkom, Besoeker
Welkom, Besoeker
Taal waarskuwing*

Titel: Wroeging van ‘n talentverlate skrywer (Goud)

Deur Seirdna
Datum gepubliseer: 21 Mei 2021 Aantal woorde: 106 132 Kere gelees 3

ink my met jou kodevog hier midde-in jou aftog
dat ek in die jare van my wegbly in jou voorhuis kan vertoef
spykerhang gemuur teen die afguns van my drifte
sal ek paletgeskryf en raambevang jou lende kom bedroef

wens jou verhale aan my toe in tikmasjien traktate
as jy in die laatlig van die afdraaison my afkykoë vermy
starend deur die stekelstof sal ek sinne oor jou gluur
wat die skrifsels van jou maaksels tot letterploet kasty

ek sal in onbenulstagnansie, weerstandig teen vergeef
uitverkoop in wete, verdoemend weens my wroeg
in kort goedkoop drinkwynsessies, deur papirusrolkonkoksies
van my eie muse swoeg

A Fourie
(Seirdna)
2021.05.06




TEMAS
4 Kommentaar
  1. Anze

    22 Mei 2021

    Pragtig, baie dankie vir jou bydrae tot die Mei 2021 – OOP projek

  2. morne du preez

    23 Mei 2021

    Mooi Andries, ek hou van letterploet watse interessante woord.

  3. Seirdna

    24 Mei 2021

    Dankie Anze

  4. Seirdna

    24 Mei 2021

    Dankie vir jou saamlees en kommentaar Morne.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 57
Kommentaar telling: 91

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 197 gaste aanlyn

Bydraes – Argief