Skelet van my see
Diep onder jou blou skelet kom my hart soos poliepe voor wat met sy kuitskietery onder volmaan ovaalvormige gamete strooi; en ek my skelet in jou versteen. So,so in die helder albatros dag sal ek by jou wees in elke koraalrif en ons mekaar se anatomie artikuleer; soos getye en branders woed klou ek aan […]
Die aanstaan van geweld
Oë geplak met pleisters vol stof monde opgekrul sonder tong die lang kronkel slang sluk ons in; almal staar,staar na die martelaar net om wéér gemartel té word. Blits donder die sekondes oor die vasgevange kuikens elke vrou en kind is teikens die martelaar lag vir die balju; Kerk toe meneer,ag nóg ‘n keer! Brand […]
Verwagting; Waar die hotnotsvye blom (ʼn verplasing)
Agter rooikoperduine waar hotnotsvye purper blom; lek ék Erebus my wonde terwyl ʼn nuwe dag triomfanklik uit die aarde se uterus in ʼn oranjerooi songloed verskyn. *Erebus – Griekse mitologie; God van duisternis, seun van Chaos ©Loretta Szikra 20190919
Die leemtes wat jy nalaat
Dit is die leë spasie in jou plek wat my om die hals val terwyl dit my tergend intrek na waar ons mooiste drome nou leweloos ronddraal Maar dis die leemtes wat jy nalaat wat gestalte aan my weemoed gee as dit snags by my inkruip en styf teen my kom lepellê – om die […]
SKOENE VAN GRANATE
Niks is uit sy plek nie. Die groenvyekonfyt staan netjies gepak; in ’n ry, etiket na voor, een agter die ander. Glashouers vol sagte suikerappelkose met rooi wange en swart niekkerbôlls staan ‘n vingerbreedte uitmekaar. Buite koer, kir en roekoek ’n paar duiwe in ’n groot koelteboom. In die blink vertoonkas weerkaats rakke vol ou […]
WINTERNAG
Pa voel nie te wel nie. Die winterkoue sluip rond; ’n ongedierte sonder genade, verstrengel jou met ysige kloue, ’n vriesende asem wat in jou nek blaas. Selfs deur die blink houtvloer syfer die koue deur – bring saam die reuk van vloerpolitoer, stinkhout en klam grond. Die groot los mat is vaal, skif getrap […]
Geleende tyd
Al klouter ek oor kranse en strompel kaatvoet-mank, deur kraters en diep waters sal my hart die tolgeld keer op keer vir jou betaal. Al vry ons twee net nou en dan onder ons wilger langs die dam of op die bankie in die parkie waar tyd verseg om stil te staan – koester ek […]
’n Bossie pikswart rose
As jy my wil ontstel en dalk besluit om weer te bel laat weet net eers die koördinate van jou graf. Tot dan sal ék in stilte wag – met die briefies en die kiekies van hoe gelukkig ons was en ‘n bossie pikswart rose met doringdraad vas. Een pikswart roos vir elke jaar, in […]
BRUIDSKAT
Twee kleedjies gehekel vir die rusbank en een vir die gemakstoel. Sy is amper klaar met die laaste een. Die patroon is nie te ingewikkeld nie – soos die tafelkleed vir die eetkamertafel. Hoe lank het dit haar geneem? Die hele winter. Genade tog, dan kom Elsa ook nog kort-kort kyk hoe ver sy is. […]
Terug
TERUG Die soetmuf papierreuk…. en letters en woorde stroom deur na die lamplig tuimel uit soos tevore en ritsel en voetstap saggies trap op die stofmat want Brolloks en Bittergal wil jou opraap en wegvat En luister net – Lúister wat die fyndruk wil fluister *’n Biblioteek was nog altyd vir my ‘n plek van […]