Woorde

Ek probeer vir jou ‘n liefvers skryf
met net die mooiste woorde
sterre soos soete akkoorde
gepluk uit die hemelruim

Ek wou vir jou sê
hoe diep my liefde vir jou lê
maar die woorde om so mee te toor
het ek vir ewig iewers verloor

Flenters, in die wind verwaai
splinters sonder logika of sin
waarheen al die woorde is
sou ek maar net kon raai

Vergete soos vergane skepe
iewers diep in die kelders van die see
het my liefdeswoorde verdrink
vir altyd weggesink

Soekend rigtingloos
moet ek my maar altoos
op gewone taal verlaat
gewoonweg met jou praat

(Dank/Erkenning aan Koos Du Plessis virgrepe/aanhalings/metafore uit sy gedig –Kinders van die Wind en Boerneef – Die Berggans het ‘n veer laat val)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag