My Hartsand

Hartsand

 

Met verdwaalde oë, soek ek rond na jou

ek kyk rond, jy was nou net hier

hier langs my

ek sluk my hartswater terug

waar is jy

 

My ore gespits, luister ek

Is dit jou stem, wat ek hoor

daar vêr, hier by my

ek druk my gekraakte kleipot terug bymekaar

waar is jy

 

Is dit jou geur, wat my omvou

met geslote oë, dink ek terug

soveel jare, soveel gedagtes

ek asem jou in en wil nie uit blaas nie

waar is jy

 

Ek voel jou drukkies, so opreg, so eg

dit maak my rustig, dit gee my vrede

elke een met sy eie rede, elke een met sy eie storie

ek vee die seer weg, maar dit bly daar

waar is jy

 

Ek sien jou voetspore, in my hartsand

diep en ver kan ek hul volg.

reguit en skeef, het jy gedans

vir altyd innig vasgevang, agter siels-slot en grendel

hier is jy