Ewige erfenis
Tussen niks bestaan
en alles verstaan
vind jy vrede
in die soeke
waar die opbrengs
van jou vertroue
volgehoue bly
in die dieptes
van jou roeping,
sodat ‘n erfenis
saam jou kruis kan stap
tot bokant die pieke
van jou lewensberg;
tot voor die uithoeke
van waar tragedies se smart
hand aan hand
aan jou blydskaphart
koers vat,
jou vlerke wyd verspreid
wapper in die wind,
en jy jou Skepper
daar tussen aards verlate
en hemelbodem vind.
Chantelle Holder
23 Januarie 2018
© 2018
Neologismes:
lewensberg ( lewens berg)
blydskaphart (blydskap hart)
hemelbodem (hemel bodem)
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.