Semelkop
Metafore aborteer
en beeldespraak die kantel.
Verfynde taaltegniek ten spyt
begin woordbravade wankel.
Ek transponeer my liefdeslied
na toonleer van gewoon
en voel my minnesang ontaard
in bloot net nog `n kloon.
My lyf se tango minag jy:
ons dans die struikel… stop.
En hier sit ek weer, oudsgewoon,
voor jou deur en klop.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Junie 2018 – Poëtiese orde projek