Geleende tyd
Al klouter ek oor kranse
en strompel kaatvoet-mank,
deur kraters en diep waters
sal my hart die tolgeld
keer op keer vir jou betaal.
Al vry ons twee net nou en dan
onder ons wilger langs die dam
of op die bankie in die parkie
waar tyd verseg om stil te staan –
koester ek elke oomblik
soos ʼn rare edelsteen
omdat ek weet my lief;
die bietjies goue ure saam
word maar stief aan ons verleen.
©Loretta Szikra
20190909
3 Kommentare
-
Loretta Szikra
Baie dankie Nico, :-)
-
Loretta Szikra
Baie dankie Nico, ek waardeer die saamlees.
Maak 'n opvolg-bydrae
Jy moet aangemeld wees om 'n kommentaar te plaas.
Nico Schamrel
Pragtig!