lig en duister

met ‘n ruk kom ek tot my sinne
wat het gebeur
alles is helder verlig om my
oja, daar was weer ‘n kragdiefstal

met dof sware plof
soos bollie in die stof
skuifel ons land voort
van ligdag na donker dag

gaan die wêreld gou vergaan
die mure is dan vol tekeninge
weet nie meer waar noord is
aarde besig om op te breek

kom tog gou lig kombers
verlig hierdie donker las
laat die wil geskied
van een met Lig

©Teárlach