terugblik (Goud)

ek het stil gaan staan

en terug gekyk

om te sien hoe ver ek gekom het

ek het stom-verbaas gestaar

na my argelose voetspore

op eens oop en skoon paaie

nou besaai met duwwels en dorings

dongas waar eens brûe was

en ‘n slordige plantasie

aangeplant deur ‘n onsigbare hand

my vorentoe-terugdraai het my

verslaenheid weerspieël

en my toekomsdrome was meteens

stewig vas geketting aan my enkels

© Elmarie Nienaber Van Kampen, 2025

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag