solo-uitstappie

solo-uitstappie – Silwer

ek hunker daarna om
heuningsoet herinneringe oop te sprei
(soos ’n blommetjiesdeken of blokkieskombers)
en ‘n mandjie vol somer-onthou uit te pak
bietjie-bietjie te peusel
aan keurige koestergedagtes
en godgegewe gisters…
dit soos warm sonstrale
deur my te voel versprei
terwyl vandag ’n steeltjieglas vol
nostalgie skink
en ek dit argeloos
met lewensblyheid indrink
kommervry

© Retha van Deventer, Junie 2025.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag