ruggraat

 

essensie van volksiel lê in ‘n vrou

nie enige vrou wat rokke dra

diė vrou wat haar man kan staan

 

saam met man en haar kinders

het sy met wye rok gestap

oor berg-en-dal het hul getrek

 

saam het sy en haar kinders gesit

elke gebedskring om kampvuur

geloof en vertroue in Hom en hom

 

met voëlgesang en elke wildsbokkie

het sy haar kinders geleer

van hul Skepper en van Jesus se koms

 

sonder vrees het sy lood in patrone gegiet

sonder vrees kruit ingegooi en vasgestamp

sonder vrees het sy weer en weer opgestaan

 

in doodskampe het sy vermaer en gesterf

haar kinders om haar begrawe in smart

in geloof en liefde alles verdrae en bly staan

 

haar waardes en norme oorgedra bly staan

in haar kinders en kleinkinders se bestaan

sonder vrees sal hul wat eg is bly voortgaan

 

© Tearlach.