Afrikaner-kultuurlegkaart

uit ’n magdom kultuurstukkies
is ’n stewige raamwerk gebou
waarbinne elke legkaartstukkie
’n unieke pasmaatplekkie hou

elke stukkie het ’n naam
binne die kultuurlegkaart raam
godsdiens, taal, literatuur, poësie,
skeppende, kunste en boeremusiek
is almal Afrikaner-kultuurlegkaart intrinsiek

in museums, monumente en Geloftedag
lê geskiedkundige Afrikaner-kultuur van toet
aanspreekvorme soos ‘oom’ en ‘tannie’
’n afhaal van jou hoed met ’n handdruk groet
is eie aan Afrikaner-kultuur respek

dan is daar volkspele, rugby, melktert,
koeksisters, biltong, braaivleis, jag, vellies
en nog baie meer
almal sosiale legkaartstukke

voltooi nou jóú Afrikaner-kultuurlegkaart
en hang dit op aan die muur van roem
in jou Afrikanerhart

©Pieter Mostert

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag