wan

trap die koringsade uit

wan die are uit in die wind

laat die dowwe sade liggies

dan saam met die kaf wegwaai

droog die sade en sak dit dan

stapel op in stoor of stort

in die groot silo toring

so word die kaf

van die koring

geskei

in menselewens ook

mense word teen mekaar

geweeg – geskik of nie bevind

die kaf dryf weg in lewenswind

die goeie are word gemaal

en meel gemaak

wat iets goeds

van kom

© Tearlach.