betyds

 

 

vroegtydig

voordat dit te laat is

‘n altyd teenwoordige faktor

binne die westerse beskawing

nie so teenwoordig binne

afrika-kultuur nie

 

binne militêre verband

was sewe minute vroeg

meestal bereken as betyds

gereed vir elke gebeurlikhede

soos vir voordag se  “klaarstaan”

voor die dag breek en die eerste

sonstrale oor die landskap

begin stroom – gereed

om enige bedreging

die hoof te kan

bied

 

in jou aanbiddingslewe

kan betyds ook ’n groot faktor wees

“bekeer jou weë betyds tot die geloof”

dit is een van die redes waarom  

jy nog die son sien opkom

asem kan haal

en lewe

 

© Tearlach.