Natuurpalet
As die vuurbal se strale
goud spikkels verskiet
word kosbar’ ultraviolet
oor kloof en vlakte gegiet
Sonneblom bloos skaam
in sy heldergeel raam
wyl Gesiggies en Rose
sag wieg in die wind
Eenkant blêr ‘n verlore lam
in die stoomwolk van ‘n kraal
maar as die mis eers gaan lê
sal sy pa hom wel kom haal
So ontwaak die wonder
van God’s natuurpalet
want die lewenshorlosie
tik-tik om dit snel te belet
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
neels
evelyn vir hierdie pragwerk tien goue sterre