Lewerik

 

 

elke oggend baie vroeg

word jou gedagtes wakker

oggendmens is jy wel

energie wat bloei

en blom met

dagbreek

 

jou liedjies wat jy sing

verdwyn soms in die hoë lug

wanneer jou woorde opstyg, vervloei

en oor ‘n dowwe wêreld uitbasuin

wat in jou gedagtes aangaan

in ’n taal wat min verstaan

 

sing, liewe lewerik

jou liedjie van verlange

triomfantelike geluide uit jou hart

al verloop die klanke in jare

verlep dit in die lang gras

sal dit altyd refrein

 

© Tearlach.

(‘n Lewerik is ‘n klein, onopvallende sangvoël wat veral vroeg soggens in die lug opvlieg en sing)