aan niks (en aan ‘n Maandag)
En toe het die stilte gekom.
Haar houthuis se deur het sy toegetrek,
die paadjie afgestap
en die hek agter haar gesluit . . .
(die laatmiddagson
het sy agter heinings gelos
om vir oulaas te vlam
oor daisies en laventelbos)
. . . in haar motor geklim
en huis toe gery (in vrede).
En aan níks gedink nie
aan niks –
en aan ‘n Maandag
(in Meimaand)
‘n lang, lang tyd gelede
© C. Shaw
11 Mei 2015
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
6 Kommentare
-
Evelyn van der Merwe
Onverwagte treffende, teenstellende slot. Mooi gepen.
-
Anze
baie mooi
-
Viooltjie
groot dankie, Neels, Evelyn en Anze vir die saamlees en kommentaar. Ek waardeer dit baie :-)
-
Koekekranka
"n Tussen-die -yne-boodskap wat vir my na wroeg en afskeid smaak.... 'n Dieper grouer...?
-
Kiekies
WAT wat het sy gedink?! Hê.... wat? Hierin sien ek 'n hele film.
Maak 'n opvolg-bydrae
Jy moet aangemeld wees om 'n kommentaar te plaas.
neels
Carma se eie unieke styl wat van haar van die bestes maak