Afhanklik
Afhanklik.
Swaartekrag is die naelstring
wat ons stoflik dwing
om lewenslank vasgebind
soos ‘n kind
geeneen
ooit gespeen
en losgemaak na eie waarde
te klou aan moederaarde
se ronde buikwand
met vasgeklewe hand
rondomtalie voortspoed
en borsvoed
ewig afhanklik,
verganklik—
Janetta – Helena [Babs] ©
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
pragtige gedig!