Ek sien half deur jou oë
Ek sien half deur jou oë
diepkraakplooie wat raakpraat
in ‘n hartkontoer met heimwee padkaart
menig bruin vlekkies wat ‘n storie vertel
van ure in die son, dae gevul met hel
Ek sien half deur jou oë
skewe knopskouers wat moedeloos hang
rimpelhande wat eens sekuur kon vang
voete wat skuifelend, versigtig trap
flou energiebron, feitlik leeggetap
Ek sien helder deur jou oë
’n gees gevul met genade van Bo
helder verstand wat nog bid en glo
rooi ritmiese hart sonder enige smart
hoof hemelwaarts wat Sy liefde weerkaats
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
3 Kommentare
-
Anze
hoe mooi stel jy dit hier... ..’n gees gevul met genade van Bo helder verstand wat nog bid en glo.. Pragtig!
-
Evelyn van der Merwe
Dankie Neels en Anze en ja mens kan nie anders as om Boontoe en vorentoe te kyk.
Maak 'n opvolg-bydrae
Jy moet aangemeld wees om 'n kommentaar te plaas.
neels
Dit is pragtig Evelyn