Satan sang
Jy met jou lostorring
snymessie tong
torring al my nate los
Jy kom lê en loer
na alles wat ek doen
Jy ruik my swakhede op
Jy weet waar om jou nes te maak
in die warboel van my siel
Ek volg jou so sit-sit
maar so draai die wiel.
Torring maar satan
torring maar los
ek sal jou oorwin
maak nie saak wat dit kos.
Jy vertoorn my siel
ek verdra jou vandag
storms in my blou lug
lê verkrummel en wag
Kom dans op my horison
dans op my graf.
Ek sal jou verjaag
en my God sal jou straf
Kom vroetel jy maar
in my oop wonde rond
Kom trippel woedend
op my oggend se stond.
Sal jou nie n oomblik
se sonlig hier gee
Vir jou geen kans
om my mee te sleur.
Gaan sit maar en wag
soos n aap op n klip
ek is een stappie voor jou
my God bly my kruk.
Ch Nel Venter
Ek floreer op n vlak waar woorde en emosie ontmoet, hande vat en net daar en dan die Tango dans. Die lewe gooi soms skerp draaie met n mens, maar as jy aanhou dans skuif dit die fokus op die geskenke wat die lewe bring, nie die wonde nie. Skryf is my passie, daarom is ek hier.
8 Kommentare
-
Ammie Moon
Siels-werk ! ....let net daarom om God met 'n hoofletter te skryf en wel 'vertoorn' my siel en nie vertoring nie.... Gevoelvol gepen, knap !
-
Ch Nel Venter
Dankie Ammie so gesien, reggestel.
-
-
Evelyn van der Merwe
Volpunte vir hierdie een. Pragtig inspirerend en positief gepen.
-
neels
ek stem saam met Evelyn, vol punte hier
-
Ch Nel Venter
Baie dankie julle. Waardeer elke kommentaar.
-
Koekekranka
My mensie, hier lees ek so vele fasette van versoekings en wroegings en potensiële bose aanvalle wat opbou en opbou tot 'n kwasie kaputilasie van geloof en dan volg jou uitklophou in jou laaste strfofe so volmaak en struktuurlik korrek geplaas. Vir my is hierdie werkie van jou jou beste ooit. Baie geluk met hierdie gedig!
-
-
Ch Nel Venter
Vreeslike buiging van dank. Waardeer dit opreg. Satan sang het n spesiale plekkie in my hart. Jammer dat ek so lank gevat het maar internetloos. Dankie weereens.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Met so 'n positiewe slot het die aaklige ding mos geen kans nie! Mooi gepen