Beskermengel
Beskermengel
Uit ‘n fabelagtige kosmos
het vegters van weleer
swaarde gekruis –
die horison rooi en blou geverf
ek het jou vlinderskroewe opgewen
en jy het soos ‘n bliksoldaat
die pas makeer
jy wou my teen spoke beskerm –
ek het jou afgestof,
jou stewels blink gepoets:
oupa se voorlaaier oor jou skouer gehang
maar jy’t op ‘n hoop gaan sit
en voor hulle my wegraap
kon ek hoor hoe ysterkake
jou siel aan flarde ruk
só het ek bloeisels
in lemoenboorde van tyd gestort.
© Ernst Fernando dos Santos
2 Kommentare
-
-
Ernst
Sjoe, baie baie dankie. Waardeer dit ongelooflik baie :)
-
Maak 'n opvolg-bydrae
Jy moet aangemeld wees om 'n kommentaar te plaas.
Inkmoderator
Hoe ooit modereer mens hierdie gedig. Dit is lieflike woordkuns. Ek kan hiermee nie 'n tittel of jota fout vind nie. Baie geluk hiermee. Ek hou jou werk met groot verwagting dop. 'n Aanwins vir die poësie. Groete.