Billike wens
Ruisende gebruis,
van borrelmassa water,
wat vloeiend kronkel,
laat haar stilraak, versteen,
Hoog- bo nooi geelvink sy wyfie,
om nes weer te inspekteer,
met koppie skeef, tenger lyfie,
beduie sy hom – probeer maar weer.
Eenkant op ’n spieëlglad rots,
slaan koggelmander alles gade,
as hooggeagte- natuur se trots,
blou koppie omhoog, vol bravade.
Elkeen kort ‘n volmaakte maat,
vink, reptiel en selfs die mens,
‘n opregte, eerlike kameraad,
is dit dan nie wat almal wens?
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
7 Kommentare
-
-
Evelyn van der Merwe
Inderdaad, dankie vir jou inloer.
-
-
Anze
Presies net soos jy in jou slot se... pragtig gepen
-
Evelyn van der Merwe
Dankie, waardeer die goue woorde.
-
-
Viooltjie
Ja, elkeen soek ' n opregte kameraad. Mooi groen, Evelyn :-)
-
neels claasen
Evelyn dis Pragtig mooi geskrywe
-
Evelyn van der Merwe
Opregte dank vir jul besoekie hier.
Maak 'n opvolg-bydrae
Jy moet aangemeld wees om 'n kommentaar te plaas.
Amaspoke
Dit is waar wat jy sê, elkeen kort sy maat. Mooi skrywe.