Bloeisels in my hart
Jy het ligvoet getrippel
deur my hart se gange
in sandput van smart
het ons speels- saam
die liefde loop tart
Jy het onthou
wat my gunsteling liedjie is
vals saamgeneurie
op ons lappieskombers
wat op rivieroewer rus
Jy het geluister
na stem van oseaan
waar sy weemoedig stom
tog vreemd strelend
haar heimwee lied golf
Jy het geraak
aan doudruppel- trane
met rugkant van hand
soos hul biggel oor wange
ek my hart weer verpand
Jy het geruik
aan die lente van liefde
vroeë bloeisels gepluk
dit dan versigtig, sag
in my hart rangskik
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
3 Kommentare
-
-
Evelyn van der Merwe
Jammer dat ek hier teleurstel Arnold, ek het gepoog om die negatiewe en positiewe ineen te vleg en met slegs 'n positiewe slot vorendag te kom. Dankie vir jou kommentaar, ek waardeer.
-
-
neels
Evelyn se digkuns is besig om in n nuwe rigting te ontwikkel wat ek baie van hou
Maak 'n opvolg-bydrae
Jy moet aangemeld wees om 'n kommentaar te plaas.
Arnold
Daar word gebruik gemaak van goeie beskrywende beelde. Tog ontbreek daar 'n samebindende faktor vir die leser.