die ding van droogte (silwer)

die ding van droogte

toe ons buite op die stoep gaan sit
het die strepiemaan sy weg gebaan
bo-oor die prosopisboom
wat neffens die kombuisdeur staan
ons het sommer gesels oor dit en dat
en in die donker kon ek sien
hoe hy sy hemp by sy hart frommelvat
(omdat die seer daar lê)
en ek kon duidelik hoor
wat die donker kommerkringe
om sy oë vir my sê
hulle meen ’n boer maak ’n plan
maar daar kom ’n dag
soos vandag
dat sy planne op sal raak
tensy hy dalk sou weet
hoe om reën te maak

ek is so jammer my ding
dat jou stukkie hemel hier
vir jou soveel hartseer bring

©️ Hester Steenkamp

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag