Die dood van ‘n kind
die dood van ‘n kind
vorm pyn wat brand
diep verby vlees en been
tot daar waar lewe klop
polsend, verstikkend
remmend aan elke wand
‘n nimmereindigende tribulensie
van asem snak
vasgevang in dimensie
wat wil knak
jou laat treusel deur die dag
laat wroeg in die nag
geen trooswoord kan dié pyn versag
geen bemoediging die mond laat lag
dis ‘n ewige verlies
wat geen mens uit vrye wil kies
tog vervaag felheid met jare
kom daar mettertyd berusting
verflou die skroeiende brand
gelaaf deur olie van hoop
maar die psige bly mank
die onthou vir ewig aan jou vasgerank
©Driekie Grobler
2 Kommentare
-
Driekie
Baie dankie vir jou lees en kommentaar, dit word opreg waardeer.
Maak 'n opvolg-bydrae
Jy moet aangemeld wees om 'n kommentaar te plaas.
Seirdna
Baie mooi. Hou van die einde se woordspeling: "maar die psige bly mank die onthou vir ewig aan jou vasgerank"