*Die hiefel en die fiefel (en gekriewel)
Sing jy van blomme?
‘wyl die vuurfeeks die septer
oor ons reënwoude swaai
Haar vlamme verleideidik
om die fynbos en Kannabas draai?
Tot daarvan net as oorbly!
Droom jy van ń kammalandse tannie?
Vol plooipleister en vullers
met lemoenronde kurwes
en ń lyf wat jou selfbeeld
ń hupstoot sal gee
maar eintlik net jou geld wil hê.
Verlang jy na die bosveldhuisie?
Waar jy snags
met oop vensters slaap
en amok met jou beminde
se hartsnare maak.
Terwyl die aarde van koers af dwaal .
Ek mis die hiefel en die fiefel
en gekriewel in my maag
as jou vingers oor my streel
en my skoenlappers ontwaak
en die lyfvryf van ons harte
op ʼn Pollenys wals…
FAK sangbundel: Titel – *Die hiefel en die fiefel
Plooipleister – grimering
Lyfvryf – styf teen mekaar dans
5 Kommentare
-
Loretta Szikra
Dankie Fanie, Die projek het my kop so op hol gehad, dat ek besluit het om al die titels sommer as een mengelmoeskardoes te gebruik. ;-)
-
Palet
Hou hiervan
-
Loretta Szikra
Dankie Suzette - ek het lekker met die een gespeel.
-
-
Anze
Pragtig, baie dankie vir jou bydrae tot die Junie FAK projek
Maak 'n opvolg-bydrae
Jy moet aangemeld wees om 'n kommentaar te plaas.
Okatopi
Goed gedoen :-)