Jongste aktiwiteit:

Die pouse

ek darteldans die veertigs in –
noú gaan my lewe mos begin,
vol pittigheid en stoutigheid –
spieël ek my status: prima steak

terstond plonk my euforie tot ‘n halt
toe die eerste hittegolf my slat –
Pappie moet in die boosdoos bly,
tot die kinders is skielik bang vir my

in die nagtelike uur
skrik ek wakker van die vuur,
kole sweet kruip van my krop
verby my oksels tot my kop

komberse af en dan weer op
jammerlappie op my kop,
bepeins ek wat is fout met my-
perdalks daar’s pes in die pastei

dokter sê ek oordryf nou sommer,
drink ‘n pil en hou op kommer –
voordat jy vir jou kan kry
is hierdie pouse ook verby

ek traan my lot by ‘n vriendin
my depressiesessie wil net begin,
toe sy ‘n ander bom laat val:
“Suster, jy is nog lank nie mal!”

Manlief het die Corvette sindroom,
‘n nuwe haarstyl en vogroom –
hy dink hy is ‘n donderdaan
met sy turbotjor – ‘n regte kapokhaan

ek giggel-lag my skete weg –
hierdie pouse is tog nie so sleg nie –
ek bly nog steeds ‘n prima steak:
volmond wyn met ‘n tikkie stoutigheid!

(c) Erika Viljoen (Silwer)




1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed