Die Rooiposbus (brons afdeling)
Ek stuur vir jou ‘n brief my lief, in die rooiposbus
wat groot en enorm hier op die straatkant staan.
Ek gooi my brief hoog bo in en ek weet
dit bly sweef tot vêr anderkant skemeraand.
Sien, die lyne van my brief se woorde
wat strek oor verre vlaktes en rante
oor die grysgroen van die karoo se kleure
nou verbruin en verblyk deur die skrille son
My liefde sweef wyd in ink en in rym
verklaar uit die stiltes wat in my om jou weef
dit bly rein en dit bly skoon.
So wil ek dan my liefde bly verklaar
gestuur op engelvlerke vanuit die rooiposbus
©callie 2017
(met apologie aan Breyten Breytenbach – Rooiborsduif)
(foto – self geneem)
2 Kommentare
-
Callie Vermeulen
Voorreg en 'n plesier Anze!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Julie 2018 - OOP projek